1. Í Almanaki fyrir 2018, bls. 75, eru tungl Júpíters sögð vera 67 talsins. Í júní 2017 var tilkynnt um fund tveggja tungla til viðbótar þannig að fjöldinn telst nú 69.
2. Samkvæmt mælingu Snævars Guðmundssonar á ljósdeyfingu myrkvastjörnunnar Algol hinn 29. desember 2017 var hámyrkvinn 8 mínútum síðar en tafla almanaksins sagði til um. Þessa leiðréttingu þyrfti því að gera á öllum tímasetningum í töflunni á bls. 70 í almanaki 2018.
3. Í apríl 2018 var tilkynnt að nafni Afríkuríkisins Svasilands hefði verið breytt í Esvatíni (eSwatini).
4. Hinn 5. maí 2018 var klukkunni í Norður-Kóreu flýtt um hálftíma til samræmis við klukkuna í Suður-Kóreu. Er hún nú 9 stundum á undan íslenskum tíma. Þegar þetta fréttist var búið að prenta almanak ársins 2019 svo að ekki var unnt að leiðrétta tímatöluna við borgina Pjongjang á bls. 94.

29. júní 2017. Síðasta viðbót 5. maí 2018.